Integración Social - CI Escuela de Educadoras - Ikasnova

Gizarte-integratzaileek zuzenean esku hartzen dute beren bizitzan zehar babesgabetasun-, kalteberatasun- eta/edo gizarte-bazterketako arrisku-egoerak bizi dituzten pertsonekin eta/edo taldeekin. Esku-hartzea zuzena da, laguntza-harreman bat sortuz eta pertsonei eguneroko bizitzan lagunduz. Funtsean, beren gaitasunak eta autonomia pertsonal eta sozialeko baliabideak aktibatzen laguntzea da helburua, pertsonek bazterkeria-egoera horietatik atera ahal izan dezaten. Lotura, mugak, pertsonenganako konfiantza funtsezko elementuak dira lanbide honetan jarduteko.

Esku-hartze eremua oso zabala da. Diziplina anitzeko eta diziplina arteko taldeetan eta esku-hartze sozialeko sare zabalagoekin koordinatuta lan egiten duten profesionalak dira.

Ziklo hau gaztelaniaz, euskaraz (goizez) eta erdipresentzialki (arratsaldez) emango da.

Esku hartzeko eremuak eta egoerak askotarikoak dira, eta hiru lan-testuingurutan daude:

• Gizarte- eta hezkuntza-eremua gizarte-kalteberatasuneko egoeran dauden pertsonekin: babesgabetasun-egoeran eta/edo gizarte-bazterketako arriskuan dauden haurrak eta nerabeak, kaleko egoeran daudenak, egoera irregularrean dauden pertsona arraziatuak, askatasun-gabetzea, indarkeria matxistaren biktima diren emakumeak, etab.
• Hezkuntza formalaren eremua. Hezkuntza-premia bereziei eta bestelako premia espezifikoei arreta ematea ikastetxeetan.
• Esparru soziosanitarioa. Hezkuntza-lana eta zainketa pertsonalak eta oinarrizko osasun-arreta konbinatzen ditu: adikzioak dituzten pertsonak, osasun mentaleko nahasmenduak, desgaitasuna/dibertsitate funtzionala, hirugarren adina.

Lanbide-jarduera erakunde publikoetan edo irabazi-asmorik gabeko erakunde pribatuetan lan egitera bideratuta dago, honako hauekin lotutako programa espezifikoetan:

• Hainbat egoera edo baldintzatan arreta emateko egoitza-zentroak: mendekotasuna duten adinekoak, dibertsitate funtzionala/desgaitasuna, nahasmenduak eta/edo gaixotasun mentala.
• Errehabilitazio psikosozialeko zentroak
• Eguneko zentroak
• Gizarte Zerbitzuak.
• Pisu funtzionalak
• Askatasun-gabetze egoeran dauden pertsonentzako egonaldi ertain eta luzeko pisuak
• Adingabeak babesteko sistemaren baliabideak: ARB, ARE, COA
• Komunitate terapeutikoak
• kastetxeak

• Ikuspegi kritikoa izatea gizarte-bazterketa eragiten duten arrazoiei buruz makro mailan → TSIS, aldaketa-eragile gisa.
• TSISen irudi profesionalak lan egiten duen esku-hartze sozialeko egoerak ezagutzea eta deskribatzea.
• Nafarroako esku-hartze sozialeko entitate, zerbitzu eta programak ezagutzea eta integratzaile sozial baten funtzioak identifikatzea.
• Gizarteratzeko esku-hartzeak programatu, antolatu, inplementatu eta ebaluatzea.
• Bizikidetza-unitateei eta gizarteratze- eta laneratze-unitateei arreta emateko jarduerak antolatzea eta gainbegiratzea.
• Gizarte- eta hezkuntza-arloko esku-hartze zuzeneko teknikak menderatzea, komunikazio-alderdien maneiuan arreta berezia jarrita, sozializazio-prozesu konplexuetan murgilduta dauden pertsonekin esku hartzeko gai izateko.
• Pertsonak zaintzeko zereginen garrantzia eta gizarte- eta hezkuntza-balioa ulertzea, eta eginkizun horiek egiteko teknikak ezagutzea: lehen sorospenak, oinarrizko osasun- eta laguntza-zaintzak, etab.

Lanbide Heziketa Dualak gizarte-erakundeetako/programetako edo zerbitzuetako irakaskuntza- eta ikaskuntza-prozesuak eta Eskolako prestakuntza-espazioak konbinatzen ditu. Lehenengo ikasturtean praktikekin lehen harremana egiten da, eta horrek astean gutxienez 4,5-6 ordu eskatzen ditu ikasturte osoan. Bigarren mailan egiten dira praktika trinkoenak, hau da, astean 12 eta 14 ordu bitartean.